Fatmir Limani, kandidati i pavarur për Kërçovën në zgjedhjet e fundit sot zyrtarisht është bërë pjesë e Lëvizjes BESA.
Prezantimi i tij është bërë nga kryetari i kësaj partie, Bilall Kasami.
Kasami theksoi se është një kënaqësi e madhe sepse me këtë veprim po forcohet opozita shqipatre.
“Për mua është një kënaqësi e veçantë që menjëherë pas shpalljes së datës së kongresit të partisë, fillojmë me forcimin e radhëve tona. Sot jemi këtu së bashku me veprimtarin Fatmir Limani dhe shokët e tij për të bërë një hap të rëndësishëm drejt forcimit të opozitës shqiptare, duke iu bashkangjitur radhëve të Lëvizjes Besa. Për ne paraqet nder dhe respekt që një figurë kombëtare si Fatmir Limani, që i ka kushtuar gjithë jetën e tij veprimtarisë kombëtare, të bëhet pjesë e Lëvizjes Besa”, deklaroi Kasami.
Nga kjo parti kanë paralajmëruar aderime të reja deri në mbajtjen e Kongresit partiak në fillim të marsit.(INA)
https://www.facebook.com/100397358844179/posts/264186735798573/?d=n