Kryetari i Tetovës, Bilall Kasami theksoi se procesi i ndryshimit të emrave do të pauzojë deri në përfubdimin e zgjedhjeve lokale në tetor, ndërsa shton se më pas – Tetova do të ketë emra të rinj.
“Ligji për vetëqeverisje lokale kërkon që procesi për emërtimin e rrugëve të ndërpritet gjashtë muaj para mbajtjes së zgjedhjeve të rregullta lokale dhe të vazhdojë më pas. Komisioni tashmë ka mbajtur disa anketime publike, kemi marrë shumë emra cilësorë…”, ka thënë Kasami për “360°”.
“Edhe pse pati disa pengesa dhe edhe pse është shumë delikat për shkak se Tetova nuk ka pasur një proces të tillë, megjithëse ka qenë një nga komunat me zhvillimin më të madh dhe zgjerimin e kufijve të qytetit dhe pjesës urbane, procesi po ecën mirë”, ka thënë kryetari i Tetovës.
