Kryetari i Lëvizjes Besa dhe një nga liderët e VLEN-it, Bilall Kasami në intervistën e fundit në TV Alsat, ka folur rreth ligjit për përfaqësim të drejtë dhe adekuatë
Kasami tha se punësimet në aspekt e përfaqësimit adekuat vazhdojnë dhe nuk janë të drejtpërdrejta të sanksionuara sa i përket këtij ligji.
“Ky ligj është në procedurë të miratimit dhe në bazë të analizave që e kemi bërë ne, përqindja e shqiptarëve në administratë është rritur shumë më shumë para se të miratohet mekanizmi i balancerit sesa gjatë këtij mekanizmi. Kur edhe në kuadër të këtij mekanizmi ka pasur keqpërdorime, ku edhe ish-sekretari shtetëror në Ministrinë e Kulturës, ishte i punësuar si maqedonas. Duke e ditur se është një problematik komplekse, jemi duke bërë harmonizimet e fundit të ligjit që të mos vije përsëri të kontestohet në Gjykatën Kushtetuese. Besoj se ligji së shpejti do të futet në procedurë qeveritare dhe pastaj parlamentare”, u shpreh Kasami.
Ai shtoi se punësimet që po rrjedhin janë duke u punësuar edhe shqiptarë dhe jo vetëm maqedonas. Siç tha Kasami, në punësimet e fundit në Komunën e Tetovës, nga 78 vendime ku shumica ishin shqiptarë.
“Edhe në institucionet qeveritare, punësimi vazhdon të bëhet në bazë të asaj që është përfaqësim adekuat, pa e shfrytëzuar në këtë rast mekanizmi që ka qenë”, nënvizoi Kasami.
Kasami: BDI po tenton të krijojë një realitet të rrejshëm
Kryetari i Lëvizjes Besa dhe një nga liderët e VLEN-it, Bilall Kasami, në intervistën e fundit në TV Alsat, ka folur rreth arrestimeve të fundit të disa personave të lidhur me BDI-në, për keqpërdorime. Sipas Kasamit, ata nuk përfaqësojnë shqiptarët dhe të cilët nuk identifikohen si shqiptarë, ndërsa sot dalin zyrtarë të BDI-së dhe thonë se po burgosen vetëm shqiptarët.
“Pra, BDI po mundohet të krijojë një realitet të rrejshëm që shqiptarët diskriminohen dhe se shqiptarët nuk punësohen dhe nuk janë në pozita udhëheqëse. Unë garantoj që shqiptarët janë aty ku duhet të jenë. Por sigurisht ne punojmë që të rritet ky përfaqësim më shumë sesa është për momentin”, nënvizoi Kasami.
