Kryetari i Lëvizjes Besa, Bilall Kasami, tha se ish kreu i Aleancës për Shqiptarët, Ziadin Sela, me daklaratat e tij kundër opozitës shqiptare është vënë në shërbim të pushtetit, i cili ka për qëllim të defokusojë betejën e opozitës për të larguar nga pushteti BDI-në pas 20 viteve.
“Nuk do të kisha dashur që të merrem me deklarata të njerëzve të vegjel që u shërbejnë atyre që janë në pushtet. Fokusi jonë dhe gjithë veprimet që i bëjmë është që vijë ndryshimit edhe te shqiptarët e Maqedonisë dhe kur partia në pushtet BDI është e frikësuar më shumë se kurrë se mund të ndodh ndryshimi pas më shumë se 20 viteve, ne po shohim që çdo ditë po lëshojnë nëpër media apo në opinion deklarata të personaliteteve të tilla, të cilat mundohen të defokusojnë luftën tonë. Lufta jonë është që të bëjmë ndryshimin edhe tek shqiptarët e Maqedonisë së Veriut, siç ndodhi te pjesa maqedonase”, tha Kasami.
