Kryetari i komunës së Tetovës, Bilall Kasami sot ka shpërndarë aktvendime që kanë të bëjnë me procesin e legalizimeve të pronave të qytetarëve.
“Sot në Komunën e Tetovës, për qytetarët shpërndava aktvendime që kanë të bëjnë me procesin e legalizimeve. Ky proces po ecën përpara, duke sjellë një zgjidhje të shumëpritur për qytetarët që presin prej vitesh. Ndarja e aktvendimeve është një tjetër hap i rëndësishëm që u mundëson familjeve të ndihen më të sigurta dhe të qeta në shtëpitë e tyre.
Do të punojmë me përgjegjësi për të garantuar të drejtat dhe mirëqenien e qytetarëve të saj, duke krijuar kushte më të mira dhe një të ardhme më të sigurt.
Ne jemi të përkushtuar që procesi të përmbyllet me sukses!”, ka nënvizuar Kasami. (INA)
