Katër fëmijë kanë humbur jetën në një zjarr që ka shpërthyer në një banesë në Novi Pazar të Sanxhakut në Serbi.
Sipas mediave lokale, fëmijët janë mbytur nga zjarri. Zjarri ka rënë mëngjesin e sotëm në orën 7:00 në një pallat banimi. Zjarrfikësit, siç thuhet, kanë mbërritur në vendin e zjarrit për katër minuta, por fëmijët nuk kanë mundur të shpëtojnë, transmeton INA.
Fëmijët ishin të moshës gjashtë muajsh, dy, tre dhe katër vjeç. Babai dhe nëna e fëmijëve janë shtruar në spital, pasi që kanë marrë djegie të shkallës së lartë. Sipas informacioneve fillestare, zjarri nuk ka prekur banesat e tjera, ndërsa ende nuk dihet shkaku. (INA)
