Presidenti i Shtetit, Stevo Pendarovski ka refuzuar kërkesën për faljen e ish-kryetares së Prokurorisë Speciale Publike, Katica Janeva.
Zyra e Presidentit të Shtetit thekson se edhe Komisioni i Faljes ka dhënë mendim negativ.
“Presidenti e refuzoi kërkesën për falje të ish-prokurores speciale Katica Janeva. Po ashtu, Komisioni për Falje, i cili është trup këshillimor punues në Zyrën e Presidentit, ka dhënë mendim negativ për kërkesën”, thonë nga Zyra e Presidentit.
Komisioni i faljes është organ këshillimor i presidentit që ia paraqet listën e propozimeve për falje presidentit të shtetit, i cili firmos vendimet.
Ish-prokurorja speciale është dënuar me shtatë vjet burg për shpërdorim të detyrës dhe autoritetit si prokuror special publik në aferën “Raket”.(INA)
