Keqpërdorën të dhënat e mjekëve për të shitur çaj, një kompani dhe një person nga Maqedonia rrezikojnë të dënohen me gati 7.000 euro

INA
INA

04/10/2023

Prokuroria Themelore Publike Shkup në Gjykatën kompetente ka dorëzuar Propozimin për dhënien e urdhëresës ndëshkuese kundër një personi fizik dhe një juridik, të cilët akuzohen për “keqpërdorim të të dhënave personale”.

“I pandehuri 34 vjeçar, si person përgjegjës në personin juridik, në periudhën nga nëntori i vitit 2022 deri në prill të vitit 2023, në kundërshtim me kushtet e konfirmuara të nenit 10 dhe nenit 96 të Ligjit për mbrojtjen e të dhënave personale, pa pëlqimin e tre mjekëve, në këtë rast të dëmtuar, i ka shfrytëzuar të dhënat e tyre personale – fotografi, emër dhe mbiemër për shitje online të dy produkteve”, citohet në kumtesën e Prokurorisë Publike.

Nga Prokuroria theksojnë se të dhënat personale nga çdo mjek i dëmtuar janë keqpërdorur sikur të ishin duke përdorur autoritetin e tyre profesional t’i reklamojnë dhe rekomandojnë çajet Parazol (Parazol) dhe Hipertea (Hypertea), të cilat në territorin e shtetit importoheshin dhe shpërndaheshin nga personi juridik i akuzuar.

“Intervista dhe pastime të rreme, të ndërmarra dhe të shpërndara në disa ueb faqe dhe rrjete sociale, me pohime shëndetësore dhe rekomandime mjekësore të rreme për këto prodhime të cilat të dëmtuarit asnjëherë nuk i kanë dhënë, i pandehuri i ka përdorur për përdorim të paligjshëm të të dhënave personale dhe marketing direkt”, citohet në kumtesë.

Prokurori publik kompetent i propozoi Gjykatës që t’i shpallë fajtor dhe personin përgjegjës ta dënojë me gjobë të vetme prej 70 gjobave ditore me vlerë të gjobës ditore nga 30 euro në kundërvlerë të denarit, ndërsa personin juridik ta dënojë me dënim të vetëm prej 300.000 denarë.

Sipas propozimit të Prokurorisë, të pandehurit pas aktgjykimit do të duhet t’i kompensojnë shpenzimet e procedurës, ndërsa secili nga mjekët e dëmtuar do të ketë mundësi në procedurë civile të ushtrojë kërkesën pronësore-juridike për dëmin e shkaktuar me keqpërdorimin e të dhënave personale.

ME TE LEXUARA

LEXO MË SHUMË

ora

Doganat e Maqedonisë parandalojnë kontrabandim të 84 orëve Casio dhe 7.560 copë bizhuteri

liridona-naim-murseli-600x375-1-600x360

Babai takon Naim Murselin në burg: Djali im nuk ka ditur gjë për vrasjen e Liridonës atë natë

liridona

Fëmijët e Liridonës merren nën kujdestarinë e shtetit suedez

punetor

Demolli: Pas janarit vështirë se do të gjenden punëtorë me pagë 600 euro

moti

Moti sot në Maqedoninë e Veriut

pacolli pasuria

Pacolli akuzon “disa njerëz” se po tentojnë ta ngatërrojnë publikun rreth vrasjes së Liridonës

liridona

Publikohet video nga restoranti ku Naimi i çoi fëmijët dhe Liridonën pak para vrasjes

granit plavaa

Videoja e Granit Plavës, i dyshuari për ekzekutimin e Liridonës, kur hyn në restorant

Screenshot_2023-12-09-19-38-51-489_com.android.chrome-edit

Ky është personi i katërt që u arrestua sot për vrasjen e Liridona Ademajt

INFO

NA NDIQ