Ministria e Brendshme ka bërë të ditur se ka ndaluar tre persona të cilët kishin kërcënuar kryetarin e komunës së Gazi Babës, Boban Stefkovski, lidhur me rrënimin e ndërtimeve pa leje në Inxhikovë.
Sipas raportit të policisë gjatë ditës së djeshme (15.09.2023) janë arrestuar S.M, F.M dhe M.M, në lidhje me denoncimin e kryetarit të Komunës së Gazi Babës, i cili më datë 11.09.2023 ka raportuar në SPB Shkup se tre persona e kanë kërcënuar me jetë për shkak të rrënimit të objektit pa leje në fshatin Inxhikovë, përcjell INA.
“Menjëherë pas pranimit të kallëzimit janë ndërmarrë masat dhe veprimet e nevojshme dhe sot autorëve u është hequr liria dhe kundër tyre është paraqitur kallëzim penal në Prokurorinë Publike Shkup pas procedurës së shpejtë për veprën penale “rrezikim i sigurisë””, bëri të ditur Ministria e Brendshme e RMV-së. (INA)
