Ministri i Punëve të Brendshme, Pançe Toshkovski vlerësoi se interpelanca e paraqitur për punën e tij nga BDI-ja opozitare është “përpjekje e ulët për të manipuluar opinionin”, duke theksuar se Kuvendi do të veprojë ashtu siç vlerëson. Toshkovski tha se tezat të cilat janë parashtruar në periudhën e kaluar nga ana e opozitës, e veçanërisht nga BDI, janë në vetvete kontradiktore.
https://www.facebook.com/tv21hd/videos/3004235803048084/?ref=embed_video
“Tezat që vendosen në periudhën e kaluar nga ana e opozitës, posaçërisht nga ana e BID-së, në vetvete janë kontradiktore. Kështu që vlerësoj që qytetari i Maqedonisë dhe populli i Maqedonisë, shumë mirë e di se çfarë qëndron pas kësaj interpelance nga aspekti i kërkesës së tyre. U qoftë me fat, do të veprojë Kuvendi në atë që e vlerëson, unë sinqerisht vlerësoj se është tentim i ulët për manipulim të opinionit”, tha Toshkovski.
Grupi Parlamentar i Frontit Evropian, dje ka dorëzuar interpelancë për ministrin Toshkovski dhe zëvendësin e tij Astrit Iseni, të cilët, siç thonë, janë kryesisht përgjegjës për incidentet në Ditën e Flamurit Shqiptar. Nga FE-ja gjithashtu kërkuan interpelancë edhe për ministrat Izet Mexhiti dhe Ivan Stoillkoviç.
