Organizata e Konsumatorëve në Maqedoninë e Veriut (OKM) kërkon ngrirjen e çmimeve të produkteve bazë ushqimore.
Marijana Lonçar Velkova nga OKM theksoi se “ushqimi merr një pjesë të madhe të buxhetit të çdo familjeje, ndërsa rritja e çmimit të tij iu bartet qytetarëve, gjegjësisht konsumatorëve”.
“Ne e dimë që ngrirja e çmimeve është një masë populiste dhe se kemi një ekonomi tregu, por në situata të këtilla nuk duhet të presim, duhet të dalim me një vlerësim të saktë dhe të marrim masa sepse çdo gjë po rëndon dhe dëmton konsumatorin. Nuk mendoj se duhet të flasim as për ushqimet bazë. Për shkak të çmimeve të larta, shumë qytetarë blejnë produkte me cilësi më të ulët ose me vlerë më të ulët ushqyese, dhe qasja në produktet ushqimore bazë është një e drejtë elementare e njeriut. Konsumatori duhet të ketë qasje në mallrat bazë të konsumit, veçanërisht ushqimin – qumësht, djathë, gjalpë…”, deklaroi Lonçar Velkova.(INA)
