VMRO-DPMNE ka propozuar uljen e akcizës për derivatet e naftës për 50%. Me këtë ulje një litër naftë do të lirohet për 9,5 denarë, ndërsa një litër benzinë për 13 denarë.
“Gjatë qeverisjes Zaeviste, çmimet e karburanteve u rritën ndjeshëm për shkak të akcizave dhe taksave që vendosën. Një vit e gjysmë litër naftë kushton 46 denarë, ndërsa sot një litër naftë kalon 75 denarë me tendencë për rritje. Po ashtu, çmimi i një litri benzinë ishte 50 denarë, ndërsa tani çmimi i ka kaluar 84 denarë. Kjo rritje çmimi është nga 65 në 70%.
Praktikisht me këtë rritje të karburanteve goditet drejtpërdrejt buxheti i qytetarëve, por edhe i ekonomisë. Çmimet e karburantit, të cilat janë vendimtare për standardin, po rriten dhe qeveria e administruar nga Kovaçevski nuk i mbyll sytë”, thekson VMRO-DPMNE, përcjell INA.
Andaj kjo parti jep propozim për mbrojtjen e standardit të qytetarëve dhe ndihmë direkte për ekonominë.
“Me projektligjin do të kërkojmë uljen e akcizës për karburantet e automjeteve me 50%. Kjo masë do të ndikojë drejtpërdrejt në uljen e çmimit të derivateve, benzina menjëherë do të ulet për 13 denarë, ndërsa dizeli për 9,5 denarë. Kjo nuk do të thotë vetëm kursim i familjeve, kjo kursen edhe transportin në ekonomi dhe mund të ulë çmimet e produkteve finale.
Kjo është një ndihmë e rëndësishme për qytetarët dhe ekonominë. Çdo qindarkë që kompanitë dhe qytetarët do të kursejnë në momente kaq të vështira dhe se si do të kenë mundësi t’i mbijetojnë muajit. Presim që qeveria e LSDM-së dhe BDI-së ta pranojnë këtë propozim në pritje të krizës së ardhshme. Këto kohë të vështira kërkojnë veprime vendimtare”, thekson partia opozitare. (INA)
