Masat kundër Rusisë duhet të forcohen, është shprehur Keller-Sutter para gazetarëve. Prandaj, administrata federale po përgatit masa të ndryshme
Këshilli Federal i Zvicrës do të diskutojë nesër, të hënën për shtrëngimin e sanksioneve kundër Rusisë. Ministrja e Drejtësisë Karin Keller-Sutter e ka bërë të ditur këtë në Bruksel përpara një takimi ministror të BE-së, transmeton albinfo.ch.
Presioni ndaj Këshillit Federal për të reaguar në përputhje me rrethanat ishte rritur gjatë fundjavës.
Masat kundër Rusisë duhet të forcohen, është shprehur Keller-Sutter para gazetarëve, transmeton albinfo.ch. Prandaj, administrata federale po përgatit masa të ndryshme të mundshme.
Por, ministrja Drejtësisë nuk ka dhënë detaje. Ajo ka thënë se nuk mund tu paraprijë diskutimeve në Këshillin Federal që do të zhvillohen të hënën.
Këshilli Federal është kritikuar në mitingje në qytete të ndryshme zvicerane sepse nuk donte të mbështeste plotësisht sanksionet e BE-së.
Në protestën e mbajtur në Bernë, ku sipas organizatorëve, të shtunën janë mbledhur 20,000 njerëz, pjesëmarrësit i janë drejtuar qeverisë me fushkëllima, në shenjë proteste ndaj qëndrimit të saj pasiv në raport me agresionin rus në Ukrainë
