Lideri i Koresë së Veriut Kim Jong Un raportohet të jetë në një tren rrugës për në Rusi. Lajmin e bënë të ditur mediat e Koresë së Jugut të hënën duke cituar zyrtarë të qeverisë.
Megjithatë, as Rusia apo edhe Koreja e Veriut nuk e kanë konfirmuar zyrtarisht vizitën. Më herët, mediat kanë raportuar gjithashtu, duke cituar burime nga zyrtarë amerikanë, se Kim dhe homologu i tij rus mund të takoheshin teksa marrëdhëniet mes dy shteteve janë gjithnjë e më të afërta.
Në vizita ndodh vërtetë, ky do të ishte udhëtimi i parë i Kim në një shtet të huaj që nga pandemia e Covid-19.
Me kufijtë e mbyllura për shkak të pandemisë, Koreja e Veriut ka nisur vetëm së fundmi që të lehtësojë kufizimet e udhëtimit.
Ky do të ishte po ashtu, udhëtimi i dhjetë i Kim Jong Un që prej marrjes së detyrës në vitin 2011.
Perëndimi është në dijeni se Koreja e Veriut mund të ofrohet që të furnizojë me armë Rusinë, për ta ndihmuar në luftën në Ukrainë, dhe e ka paralajmëruar liderin Kim Jong Un se “ky do të ishte një gabim serioz.”
