Analisti dhe anëtari i Komitetit ekzekutiv të VMRO-së, Sasho Klekovski është shprehur kundër krijimit të Asociacioneve etnike në rajon.
“Maqedonia ka një interes të madh për normalizimin e marrëdhënieve ndërmjet Serbisë dhe Kosovës, dy fqinjëve tanë, por gjithashtu ka interes se si ta arrijë këtë. Pavarësisht se çfarë mendimi ka për Albin Kurtin këtu, në Maqedoni, interesi themelor i Maqedonisë është të mbështesë kërkesat e Albin Kurtit. Në marrëveshjen e Ohrit është shprehur interesimi maqedonas se “nuk ka zgjidhje territoriale për çështjet etnike”, është shprehur ai në një shkrim autorial në gazetën Nova Makedonija.
