Klinika Zhan Mitrev 24 vjet – 1 milion ekzaminime dhe 400,000 histori suksesi

ina-online
ina-online

01/03/2024

Standardet e larta në mjekësi, certifikata nga Joint Commission International, operacioni i parë i zemrës së hapur në Maqedoni janë vetëm disa nga arritjet e Klinikës Zhan Mitrev gjatë 24 viteve të ekzistencës.

Historia e Klinikës nis më 1 mars të vitit 2000, kur zyrtarisht filloi punën me kryerjen e operacionit të parë bajpas në Maqedoni, udhëhequr nga doktor Zhan Mitrev. Me këtë operacion u vendosën themelet e shërbimeve moderne mjekësore në Maqedoni dhe filloi ngritja e vazhdueshme e standardeve të shërbimit dhe kujdesit shëndetësor.

“Kam ndjesinë sikur ka qenë dje kur kemi filluar punën dhe në fakt kur kthej kokën pas kanë kaluar plot 24 vite me shumë punë dhe mund. Me shaka shpesh them se do të filloj të shkruaj memoare se si kemi filluar dhe deri ku kemi arritur, realisht nga një hapësirë e vogël tani kemi një Klinikë me standardet më të larta në rajon. Për të mbijetuar, për ta rritur dhe zhvilluar Klinikën ka qenë një sfidë e vërtetë sepse kemi pasur dhe vazhdojmë të kemi një rrugë të mbushur me shumë pengesa. Pavarësisht gjithçkaje, ne vazhdojmë të ecim përpara dhe tashmë dihet se këtu pacienti merr shërbim të lartë mjekësor. Suksesi ynë matet nga historitë e suksesit të pacientëve tanë, nga numri i operacioneve, aplikimi i metodave moderne dhe vendosja e standardeve më të larta në kujdesin shëndetësor të njohura në nivel botëror nga autoritetet më të njohura shëndetësore”, shprehet Dr. Mitrev, duke iu referuar 24 viteve nga ekzistenca e Klinikës.

Sot, Klinika Zhan Mitrev është një qendër mjekësore moderne rajonale me procedura të plota diagnostikuese në shumë degë mjekësore, e mbështetur nga shërbimet e kirurgjisë moderne, anestezisë dhe kujdesit intensiv. Klinika disponon certifikatën e Vulës së Artë si një qendër shëndetësore me standardet më të larta në aspektin e cilësisë së shërbimeve shëndetësore dhe kujdesit për sigurinë e pacientit, e dhënë nga Joint Commission International, duke e krahasuar Klinikën maqedonase me Klinikën Mayo. Certifikata eshtë marrë për herë të tretë në vazhdimësi për shtatë vjet.

Puna e deritanishme e Klinikës Zhan Mitrev deri më sot është shënuar me mbi 40,000 operacione, duke përfshirë metoda revolucionare në mjekësinë moderne si operacioni i parë me zemër të hapur tek pacient i zgjuar, operacion i kryer në vitin 2002, TAVI– Transcatheter Aortic Valve Implantation, një zëvendësim revolucionar i valvulës së zemrës dhe TEVAR – një qasje komplekse hibride ndaj aneurizmës së aortës torakoabdominale si dhe trajtime të sëmundjeve kongjenitale të zemrës. Më shumë se 1 milion ekzaminime janë kryer dhe mbi 400 mijë pacientë janë trajtuar në klinikë.

TË FUNDIT

ME TE LEXUARA

LEXO MË SHUMË

Menduh thaci

Thaҫi: Kurti nuk ka takat t’i ndihmojë shqiptarët e Maqedonisë së Veriut

Bilall-Kasami-1

“Taravari e ka gjithë koaliconin VLEN pas vetes” – Kasami: BDI në dilemë të qëndrojë ose jo mbrapa Bujarit

azilkerkues-1

Të rinjtë të zhgënjyer me programet e kandidatëve për president

flamuri izraelit qeveria

Vetëm një shtetas i Maqedonisë ka kërkuar evakuim nga Izraeli

642c989a-1854-4176-9cae-98cd54b1817d

Izet Mexhiti: Bujar Osmani promotori i “Open Ballkanit” dhe 9 pikëshit anti-Kosovë

stevo pendarovski

Pendarovski: Nëse i ndajmë qytetarët për shkak të përkatësisë etnike, shteti do të kthehet prapa

ali ahmeti manastir prespe

Evropa është në luftë, Lindja është në luftë” – Ali Ahmeti falënderon liderët e Frontit që u bashkuan

adnan azizi

Azizi nga Zhelina: Ushtarët e UÇK-së janë të zhgënjyer, thonë se “e nisëm luftën për lliri BDI-ja e shndërroi në luftë për LGBDI”

vjosa osmani talat xhaferi

Presidentja Osmani takon kryeministrin e Maqedonisë së Veriut, Talat Xhaferi

INFO

NA NDIQ