Klubi i Karatesë “Bashkimi 2002” nga Kumanova prej dje numëron edhe 10 mjeshtër të rinj të Karatesë me gradën 1 DAN (Shodan), pas një provimi të suksesshëm të organizuar nga Akademia e Karatesë.
Provimi u mbajt më 26 qershor 2025, në prani të një komisioni të lartë profesional, të përbërë nga:
• Prof. Besnik Murati – Kryetar i Akademisë së Karatesë
• Shumzim Krasniqi – Kryetar i Komisionit për ndarjen e titujve në Federatën e Karatesë së Kosovës
• Abedin Zymberi – Anëtar i kryesisë së Akademisë
• Shefi Reçi – Anëtar i kryesisë së Akademisë
• si dhe trajnerët e klubit Mursel Misini dhe Hajredin Misini
Gjatë testimit, kandidatët iu nënshtruan programit të Akademisë në KIHON (teknika bazë), KATA (forma tradicionale) dhe KUMITE (luftë). Komisioni vlerësoi unanimisht se të gjithë kandidatët i përmbushën me sukses kriteret e gradimit, ndërsa veçanërisht u theksua performanca e lartë në segmentin e KUMITE, ku të gjithë morën notën maksimale.
Mjeshtër të rinj të Karatesë – 1 DAN:
1. Ylli Bilalli
2. Besart Memeti
3. Nezir Neziri
4. Ilir Bajrami
5. Alban Jaiji
6. Lirim Bajrami
7. Arbin Ferati
8. Shkëlqim Ramadani
9. Lorik Ibishi
10. Bleart Memeti
Klubi “Bashkimi 2002” uroi të gjithë sportistët për suksesin dhe u dorëzoi diplomat zyrtare të Akademisë së Karatesë, duke u uruar vazhdimësi në rrugëtimin e tyre sportiv dhe avancim në nivelet e larta të karatesë.(INA)
