Qarkullimi në rrugët shtetërore zhvillohet pa pengesa dhe në rrugë të thata, por frekuentimi i automjeteve, veçanërisht drejt pikave kufitare, sot është dukshëm i shtuar, njofton LAMM.
Më së shumti kolonë dhe pritje ka në pikën kufitare Tabanoc, ku për hyrje dhe dalje nga shteti pritet nga 15 deri në 30 minuta. Në pikën kufitare Bogorodicë, situata është edhe më e ngarkuar – për dalje nga vendi pritjet arrijnë deri në 40 minuta, ndërsa në Dojran qytetarët presin nga 20 deri në 30 minuta.
Autoritetet u bëjnë thirrje qytetarëve që të planifikojnë udhëtimet e tyre me kohë dhe të kenë durim gjatë kalimit kufitar.
