Komisioni Europian po heton “Metën” në lidhje me mbrojtjen e fëmijëve në platforma

Picture of INA
INA

22/05/2024

Komisioni Evropian ka njoftuar se ka nisur një hetim ndaj Metës lidhur me shqetësimet për mbrojtjen e fëmijëve në platformat e tij Facebook dhe Instagram.

Këto dy platforma mund të shfrytëzojnë dobësinë dhe papërvojën e të miturve dhe të shkaktojnë varësi, tha Komisioni në një deklaratë.

– Një nga problemet është efekti i “vrimës së lepurit”, i cili ju tërheq në përmbajtje gjithnjë e më shqetësuese – tha një përfaqësues i Komisionit.

Përveç kësaj, ekzekutivi evropian është gjithashtu i shqetësuar për aksesin e të miturve në përmbajtje të papërshtatshme, si dhe kërcënimin ndaj privatësisë së tyre. Dy hetimet në Facebook dhe Instagram po kryhen sipas Aktit të Shërbimeve Dixhitale të BE-së (DSA), një rregullore gjithëpërfshirëse e përmbajtjes në internet që kërkon që platformat kryesore të vlerësojnë dhe të zbusin rreziqet e ndryshme që rrjedhin nga përdorimi i tyre, veçanërisht nga fëmijët.

“Ne nuk jemi të bindur që Meta ka bërë mjaftueshëm për të përmbushur detyrimet e saj në kuadër të DSA për të zbutur rreziqet e efekteve negative në shëndetin fizik dhe mendor të të rinjve evropianë në platformat e saj në Facebook dhe Instagram”, tha Komisioneri Evropian për Industrinë, Thierry Breton.

Ai shpjegoi se “efekti i vrimës së lepurit” krijohet kur algoritmet e platformës ushqejnë përmbajtjen e përdoruesve – për shembull, diçka që çon në depresion ose imazhe joreale të trupit, të cilat mund të shkaktojnë probleme të shëndetit mendor tek fëmijët. Meta mund të mos përdorë mjete të verifikimit të moshës që janë “të arsyeshme, proporcionale dhe efektive” për të parandaluar të miturit të aksesojnë përmbajtje që është e papërshtatshme për fëmijët, tha Komisioni në një deklaratë.

Komisioni do të shqyrtojë gjithashtu nëse kompania përmbush detyrimet e saj sipas DSA për të futur masa të përshtatshme dhe proporcionale për të garantuar një nivel të lartë privatësie, sigurie dhe mbrojtjeje të të miturve.

Komisioni Evropian do t’i kushtojë vëmendje të veçantë cilësimeve standarde të privatësisë që Facebook dhe Instagram kanë për të miturit, si dhe “dizajnit dhe funksionimit të sistemeve të rekomandimit” që rekomandojnë përmbajtje të caktuara për përdoruesit. Nëse zbulohet se Meta ka shkelur rregullat e zbutjes së rrezikut të DSA, mund të përballet me gjoba deri në 6 për qind të të ardhurave të saj vjetore globale.

Ajo kompani është tashmë nën hetim për mënyrën se si ajo trajton reklamat politike përpara zgjedhjeve të ardhshme të Parlamentit Evropian, të cilat do të mbahen nga 6 deri më 9 qershor. Komisioni po heton gjithashtu TikTok për çështje të ngjashme të mbrojtjes së fëmijëve.

Rregullat e DSA-së për zbutjen e rrezikut zbatohen për platformat shumë të mëdha në internet, ato me më shumë se 45 milionë përdorues aktivë mujorë në BE. Dispozita të tjera të DSA-së, si detyrimi për të pasur mekanizma që lejojnë përdoruesit të raportojnë përmbajtjen e paligjshme, zbatohen gjithashtu për platformat më të vogla. Megjithatë, dënimet më të larta zbatohen vetëm për platformat shumë të mëdha.

TË FUNDIT
1 ditë
Ulja e kilometave – problem i madh evropian, vetëm dy vetura janë të mbrojtura!
4 ditë
SHBA akuzon TikTok për shkelje të ligjeve të privatësisë së fëmijëve
4 ditë
Nvidia bëhet kompania më e vlefshme në botë
4 ditë
Google në hapat e Apple dhe iPhone me Pixel 10
4 ditë
E drejta e autorit dhe përmbajtja e krijuar nga inteligjenca artificiale

ME TE LEXUARA

1 ditë
Ulja e kilometave – problem i madh evropian, vetëm dy vetura janë të mbrojtura!

LEXO MË SHUMË

kilometrazh-kilometra

Ulja e kilometave – problem i madh evropian, vetëm dy vetura janë të mbrojtura!

tik tok

SHBA akuzon TikTok për shkelje të ligjeve të privatësisë së fëmijëve

Nvidia

Nvidia bëhet kompania më e vlefshme në botë

google

Google në hapat e Apple dhe iPhone me Pixel 10

Inteligjenca Artificiale IA

E drejta e autorit dhe përmbajtja e krijuar nga inteligjenca artificiale

nasa2

NASA dhe Boeing shtynë kthimin e astronautëve në Tokë

bill

Bill Gates po kthehet drejt armëve bërthamore

intelegjenca artificiale

Inteligjenca artificiale paraqet rrezik për kompanitë e lajmeve

whatsapp-main-600x360

WhatsApp sjellë një ndryshim tek storjet

INFO

NA NDIQ