50 kompanitë më të mëdha prodhuese në Maqedoninë e Veriut, shumica e të cilave janë kryesisht të orientuara nga eksporti, kanë gjeneruar të ardhura prej më shumë se 5.2 miliardë euro.
Këtë e bën të ditur analiza e radhës e realizuar nga portali Faktor.mk.
Kompania më e madhe prodhuese sipas fitimit të shprehur në shifra absolute është “Johnson Mathie”, prodhuesi botëror i sistemeve katalizatore të nevojshme për industrinë moderne të automobilave që ka hapur filialet e saj prodhuese në Maqedoninë e Veriut.N
Në mesin e pesë prodhuesve më të mëdhenj është një kompani farmaceutike vendore, ajo është “Alkaloid” nga Shkupi. Në dhjetë kompanitë më të mira prodhuese është edhe një industri e madhe e çelikut në pronësi vendore “IGM Trade” e biznesmenit nag Kavadari, Ilija Geçev. Në mesin e dhjetë prodhuesve më të mirë vendas janë shkritorja për nikelin dhe metalet e tjera me ngjyra, Euronikel Industries (ish FENI), shkritorja e çelikut në Shkup “Maxtil” dhe e vetmja fabrikë e çimentos “Usje”.
Në këtë grup prej dhjetë kompanive më të mëdha që kanë të ardhura prej 100 milionë euro janë: “Birarria e Shkupit” dhe kompania e vetme e prodhimit të baterive “Tab Mak” nga Probishtip./Faktor.mk
