Qyteti i Kumanovës do të ndajë mbi 12 milionë denarë për rikonstruimin e brendshëm të sallës së sportit, njoftuan sot autoritetet. Komuna ka publikuar shpallje në të cilën nga tri ofertat është përzgjedhur kompania kumanovare “Master DOOEL” për sanimin e brendshëm të sallës.
Sipas kontratës së publikuar në sistemin elektronik të prokurimit publik, vlera e kontratës së lidhur me tatimin mbi vlerën e shtuar është 12.289.727,32 denarë.
Sipas njoftimit, do të ndërrohet dyshemeja në sallë, do të sigurohen pajisje sportive dhe rekuizita. Në fund të dhjetorit të vitit të kaluar përfundoi ndërtimi i kulmit të sallës sportive. Ndryshe kryetari i kësaj komune, Maksim Dimitrievski kishte njoftuar se kjo sallë do të rikonstruohet në disa faza, varësisht mjeteve që do të sigurohet.
Salla e sportit është një nga katër objektet e mëdha që Qeveria ia ka kthyer në posedim komunës së Kumanovës.
