Mëngjesin e djeshëm është bërë kontroll i jashtëzakonshëm i ndërtimeve pa leje në Çarshinë e Vjetër të Shkupit. Inspektorati Shtetëror për Ndërtimtari dhe Urbanizëm konfirmoi se drejtori Fatmir Arifi dhe inspektorët kompetentë kanë kryer inspektim, pas së cilës do të përgatisin raport për gjendjen.
Mbikëqyrja është bërë me asistencë policore, theksojnë nga Inspektorati. Kontrolli i jashtëzakonshëm i shoqëruar nga zyrtarë policorë në Çarshinë e Vjetër është kryer në objektet që janë të paligjshme dhe janë ndërtuar në bërthamën e mbrojtur të qytetit të vjetër të trashëgimisë kulturore në Çarshinë e Vjetër.
Fjala është për objekte që janë ndërtuar pa leje dhe pa mendim konservator, i cili është i detyrueshëm për Çarshinë e mbrojtur të Shkupit. Shumë objekte u zgjeruan madje deri te shtigjet dhe rrugicat, gjë që pengonte lëvizjen në këtë monument kulturo-historik. Inspektorati njofton se do të përgatisë një raport dhe do të ndërmarrë veprime shtesë për heqjen e objekteve të ndërtuara pa leje./Koha.mk
