Inspektorati Shtetëror i Tregut në Maqedoninë e Veriut dy ditët e fundit ka kryer 162 inspektime për të shqyrtuar respektimin e vendimit qeveritar për marzhet e ngrira të fitimit në tregje.
Inspektorati ka piketuar 33 objekte tregtare apo markete, 13 prej të cilëve vetëm ditën e premte. Tashmë dihet se tetë prej tyre kanë marrë gjoba prej 7 mijë euro plus 350 për personin përgjegjës.
“Dje janë sanksionuar 20 objekte tregtare, nga të cilat 8 kanë konstatuar mosrespektim të marzheve të ngrira. 12 të tjerët nuk kanë pasur evidencë, por do të vazhdojë kontrolli në këto objekte për të parë nëse e kanë respektuar vendimin edhe pse nuk kanë pasur dokumentacion për prokurim”, theksoi për TV Sitel, Aneta Simoska Dimeska, drejtoreshë e Inspektoratit Shtetëror të Tregut.
Mosrespektimi më i madh i masave është konstatuar në Shkup, Ohër, Strugë, Probishtip dhe Strumicë. (INA)
