Ministrja e Arsimit dhe Shkencës, Vesna Janevska, e ka quajtur të turpshëm dhe dëshpërues reagimin e paraardhësit të tij, Jeton Shaqiri, lidhur me librin e historisë për klasat e shtata.
Reagimi i ish ministrit Jeton Shaqiri kishte të bëjë me kopertinën e këtij libri ku në krye shihen vëllezërit Kiril dhe Metodi ndërsa sipas tij libri ka pamje shumë fetare. Sipas ministres Janevska, religjioni nuk mund të jetë arsye për të ulur vlerat e iluministëve mbarësllav, Kiril dhe Metodi, ndërsa statusin e Shaqirit e cilëson si të padurueshëm ndërfetar.
“Kirili dhe Metodi me veprimtarinë e tyre grandioze, i kanë pranuar e gjithë bota. Ata janë bashkë-padronët e Europës. Ata janë themeluesit e alfabetizmit të 1/3 të botës. Ata janë mësues me plot kuptimin e fjalës. Çdo nxënës, çdo banor i këtij shteti, duhet të dijë se kush kanë qenë Kirili dhe Metodi. Por si përgjigje të asaj që ka shkruar ish ministri, në fotografi janë edhe Murati i dytë, edhe Skenderbeu, edhe personazhe tjera të rëndësishme të cilët kanë jetuar në kohën e Bizantisë”, tha ministrja e Arsimit dhe Shkencës, Vesna Janevska.
