Koreja e Veriut ka testuar të enjten një raketë ndërkontinentale të ndaluar për herë të parë që nga viti 2017, sipas Koresë së Jugut.
Raketa, që ka rënë në ujërat e jugut të Japonisë, fluturoi për më shumë se një orë dhe arriti lartësi mbidetare 6000 kilometra.
Zyrtarët japonezë kanë thënë se kjo raketë ka mundësi të arrijë distancë deri 1100 kilometra – që nënkupton se ka kapacitet për ta prekur edhe Shtetet e Bashkuara të Amerikës.
Koreja e Veriut së fundmi ka kryer disa testime të raketave të ndaluara. Më 2017, Pyongyangi vendosi moratorium në testimin e raketave balistike me distancë të gjatë, pas bisedimeve me presidentin e atëkohshëm të SHBA-së, Donald Trump.
Por më 2020, Koreja e Veriut njoftoi se s’ka pse të mbajë këtë premtim.
Kombet e Bashkuara kanë vënë sanksione strikte ndaj Koresë së Veriut kur i kishte testuar këto raketa herëve të kaluara.
