“Kosova nuk është Serbi”/ Deputetja britanike e thotë troç: Gabim që ShBA-ja dhe BE-ja e sulmuan Kosovën e jo milicët e armatosur që e tensionuan veriun

INA
INA

6 Qershor, 2023

Deputetja Alicia Kearns, para deputetëve të parlamentit britanik, foli për situatën e krijuar së fundmi në veri të Kosovës.

Kearns tha se ShBA-ja dhe BE-ja kanë bërë gabim që e kanë kritikuar Kosovën për situatën e tensionuar në veri e jo milicët e armatosur që e krijuan atë situatë.

“Është e gabuar që ShBA-ja dhe BE-ja zgjodhën të sulmojnë Kosovën pa kritika ndaj milicëve të armatosur që krijuan situatën dhe në mënyrë demokratike mbajtën peshën kryesore të shkopit të tyre.

Së dyti, çfarë kundërmasash po vendosim ndaj Beogradit? Sepse për momentin duket të jetë një dështim i diplomacisë parandaluese. Si ndryshon politika jonë nga ShBA-ja dhe BE-ja? Sepse ne jemi shumë të heshtur për atë që po ndodh tani”, ka thënë Kearns.Sipas Kearns kryetarët e zgjedhur në komunat veriore u përpoqën të marrin detyrën në mënyrë jo të dhunshme.

“Dua të vendos këtu kontekstin se Kosova nuk është Serbi, por në fillim të këtij viti Beogradi orkestroi një bojkot të zgjedhjeve demokratike. Javën e kaluar kryetarët e zgjedhur të komunave u përpoqën të merrnin rolet e tyre, jo në mënyrë të dhunshme, ajo u bë e dhunshme për shkak të dhunës së orkestruar rreth zyrave të komunave. Më pas ne pamë dhunë të orkestruar në rrugë nga milicia e financuar dhe e armatosur nga Beogradi kundër KFOR-it dhe policisë, aty kishte kokteje molotovi, kishte të shtëna me armë kundër tyre, kishte vetura të djegura të policisë. Pra, ju lutem, mund të pyes mikun tim të nderuar, pse pati një përgjigje kaq joproporcionale dhe të pabalancuar nga aleatët tanë?”, ka shtuar ajo.

shiko fjalimin KETU

ME TE LEXUARA

LEXO MË SHUMË

xhezair shaqiri

Trim nuk bëhesh duke imituar filmat e Holivudit, por lind

rozeta hajdari

Grabitet shtëpia e ministres së Qeverisë Kurti

rashiq

Rashiq: Unë dhe familja ime më të sigurtë jemi në Kosovë se në Serbi

jarinje kufi kosove serbi merdar

Një javë nga sulmi terrorist në veri – pikat kufitare Jarinjë dhe Bërnjak ende të mbyllura

Wiliam-walker

Walker: Pse u lejua të largohej grupi i armatosur i Banjskës?

ritchie-torres

Kongresisti Torres: Serbia t’i tërheqë menjëherë forcat ushtarake nga kufiri me Kosovën

IMG_5646

Pas publikimit të pamjeve, reagon kryeministri Kurti – ka këtë mesazh!

shaip kamberi

Kamberi reagon pas sulmit ndaj një familje shqiptare në Medvegjë

medvegja

“Këndonin këngë nacionaliste”- Serbët sulmojnë me gurë e mjete të rënda shtëpinë e shqiptarit në Medvegjë (FOTO)

INFO

NA NDIQ