Kombëtarja e Kosovës e ka zhvilluar stërvitjen e fundit kualifikuese për “Euro 2024” kundër Izraelit, e cila zhvillohet sot në stadiumin “Bloomfield” në Tel Aviv në orën 18:00 (sipas kohës në Kosovë).
Sipas njoftimit të Federatës së Futbollit të Kosovës, stërvitja e fundit i ka shërbyer futbollistëve për t’u ambientuar me fushën e këtij stadiumi.
Përzgjedhësi i Kombëtares, Alain Giresse në konferencë për media, ka deklaruar se ekipi i tij është përgatitur në çdo aspekt dhe ka udhëtuar me synim për të realizuar fitore. Ai e pranoi se kjo përballje nuk do të jetë aspak e lehtë, pasi izraelitët luajnë në shtëpi dhe do ta kenë përkrahjen e 30 mijë tifozëve në përballjen që do luhet në ora 18:00.
Sulmuesi i Kombëtares së Kosovës, Vedat Muriqi, ka kërkuar përqendrim të plotë në ndeshjen e sontme kualifikuese për Euro 2024, përballë Izraelit.
“Tani është koha për t’u fokusuar. Hajde Kosovë”, është shprehur Muriqi.
Tani është koha për t’u fokusuar. Hajde Kosov! 🇽🇰 pic.twitter.com/1EqnaxL4zd
— Vedat Muriqi (@MuriqiVedat) March 25, 2023