Ndërprerja e djeshme e furnizimit me energji elektrike në Shkup, Veles dhe një pjesë të Ovçepolit është pasojë e një defekti teknik që ka ndodhur në një nga linjat e transmetimit në Pintija që furnizon Shkupin, sqaroi kryeministri Kovaçevski.
Siç theksoi kryeministri është djegur një izolant i linjës së tensionit të lartë ku është shkaktuar zjarr. Pas kësaj menjëherë ka reaguar MEPSO të cilët më pas e kanë eliminuar problemin.
Kovaçevski tha se sistemet mbrojtëse kanë shkaktuar menjëherë ndërprerje të energjisë elektrike në të dy drejtimet.
Ekipet e MPB gjithashtu kanë qenë në teren duke kryer punën në mënyrë profesionale, të cilët sigurisht do të kenë kumtesë për këtë rast, tha mes të tjerash Kovaçevski.
