Kryeministri Dimitar Kovçevski sot u shpreh i bindur se do të ndërtohen korridori 8 dhe 10D, përcjell TV21. Kovaçevski tha se do të duhet t’i zhgënjejë skeptikët, pasi sipas tij, përveç këtyre projekteve të mëdha infrastrukturore, vendi gjithashtu do të anëtarësohet edhe në BE.
“Korridori 8 do të fillojë ndërtimin dhe Korridori 10D, kështu që të gjithë ata që nuk duan ta shohin shtetin me infrastrukturë moderne, që nuk duan shtetin ta shohin të lidhur me vendet e rajonit, që nuk duhet ta shohin shtetin si pjesë e BE-së, për fat të keq duhet t’i zhgënjejmë, do të këtë edhe Korridor 8, edhe Korridor 10D edhe anëtarësim në BE, ashtu siç kishte anëtarësim në NATO”, tha mes tjerash Kovaçevski.
Sa i përket ndryshimeve ligjore në Ligjin për Marrëdhënie Pune për përshpejtim të punimeve në këto dy projekte, Kovaçevski tha se edhe tani ekziston zgjidhje ligjore për punë të më shumë se 40 orëve në javë.
“Ndryshe, edhe tani te ne sipas zgjidhjeve ligjore mund të punohet më tepër se 40 orë, respektivisht 50 orë. Kështu që ka një numër të madh të punëtorëve që punojnë nga 50 orë me zgjidhje të tyre dhe me pajtimin e tyre”.
