Kovaçevski: Jemi të gatshëm të bisedojmë me të gjitha partitë që e mbështesin rrugën evropiane

Iliria News Agency
Iliria News Agency

01/03/2023

Pas zgjedhjes së zëvendësministrave do të kompletohet përbërja krejtësisht e re e Qeverisë, por para të gjithëve do të hapet një obligim serioz – të marrim vendime të pjekura që do të sigurojnë perspektivat e vendit, theksoi para deputetëv kryeministriDimitar Kovaçevski si propozues i zëvendësministrave në Qeverinë e tij.

“Nëse kjo kërkon një rritje të shumicës – atëherë do të flasim me të gjithë. Qeveria është e hapur për bashkëpunim në të ardhmen me të gjithë ata që janë të gatshëm të veprojnë me ndërgjegje dhe të mbështesin reformat, politikat ekonomike dhe agjendën evropiane, në të mirë të qytetarëve dhe shtetit, tha ndër të tjera Kovaçevski.

Sipas tij, është forcuar stabiliteti politik dhe është hapur rruga për rritjen e efikasitetit të Kuvendit dhe të institucioneve, në drejtim të realizimit pa probleme të synimeve kyçe strategjike.

“Por, Lidhja për Evropën dhe grumbullimi i shumicës pro-evropiane në Parlament është i domosdoshëm në emër të reformave të mëtejshme dhe të ardhmes evropiane të qytetarëve dhe shtetit. Qytetarët i kanë dhënë këtij Parlamenti një mandat të saktë për një cilësi evropiane të jetës në shtëpi dhe integrimin në Bashkimin Evropian. Kështu është formuar Qeveria pro-evropiane dhe kështu punojmë sipas kursit evropian të shtetit”, tha Kovaçevski.

Ai theksoi se është e nevojshme që Parlamenti të jetë kritik, por jo frenues i reformave dhe të përfaqësojë standardet strategjike të vendit, jo planet strategjike për qëllime personale apo të tjera të jashtme.

Duke e sqaruar propozimin e tij, kryeministri Kovaçevski nga foltorja e Kuvendit theksoi se me zgjedhjen e zëvendësministrave të rinj përfundon rikonstruimi i Qeverisë, që do të vazhdojë të zbatojë reforma në interes të qytetarëve në rrugën evropiane.

Ai falënderoi, siç tha, shumicën parlamentare progresive për mbështetjen, e cila konfirmoi se në këtë përbërje të Kuvendit ka një kapacitet dominues të shumicës progresive me potencial që një shumicë e tillë të rritet.

“Nëse i jepet mundësi ndërgjegjes, besoj se kjo përbërje parlamentare ka një kapacitet edhe më të madh progresiv, me të cilin së bashku mund të sigurojmë perspektivë evropiane, që nënkupton zhvillimin ekonomik të shtetit dhe standardin jetësor të qytetarëve”, tha Kovaçevski.

Debati për rikonstruimin e Qeverisë ka filluar para tri javësh dhe sipas Kovaçevskit paraqet mundësi që qytetarët ta shohin, por edhe të gjithë të vënë në dyshim se çfarë përfaqëson ai në të vërtetë.

“A përfaqëson stabilitetin e shtetit, sigurinë në ekonomi dhe në standardin e jetesës së qytetarëve, sigurinë – apo jostabilitetin e vendit, paparashikueshmërinë, çrregullimin, standardet evropiane – apo paligjshmërinë, një shtet të izoluar ndërkombëtarisht – apo Republikë e integruar evropiane e Maqedonisë së Veriut”, tha Kovaçevski.

TË FUNDIT

ME TE LEXUARA

LEXO MË SHUMË

lluka

Llukarevska: Stevo Pendarovski shkon në raundin e dytë

bujar osmani arben taravari

Numërohen 50 përqind e votave, ky është dallimi në vota mes Osmanit dhe Taravarit

tetove

BDI feston në Tetovë

Screenshot_2024-04-24-20-41-33-817_com.android.chrome-edit

Rezultatet e para nga KSHZ

Zgjedhje votime vota Maqedoni

Disa nga rezultatet jo zyrtare nga rajoni i Tetovës

Zgjedhje votime vota Maqedoni

Përfundon votimi për rrethin e parë të zgjedhjeve presidenciale

arber

Ademi: Sot populli foli

arben taravari

Taravari: Jemi të lumtur se e kemi fituar votën e shqiptarëve

Screenshot_2024-04-24-17-56-51-194_com.android.chrome-edit

Ja në sa ora do të shpallen rezultatet e para nga KSHZ

INFO

NA NDIQ