Pasi BE-ja kritikoi mënyrën se si janë miratuar ndryshimet në Kodin Penal dhe çfarë do të thotë për rastet e korrupsionit të lartë, kryeministri Kovacevski siguron se të njëjtat ligje i kanë edhe disa vende tw Unionit, si Gjermania dhe Sllovenia.
Kryeministrit Kovaçevski thekson se ligji i rishikuar është në përputhje të përkryer me rregullativwn e Shteteve Anëtare të Bashkimit Evropian.
Komisioni Evropian ka kritikuar Maqedoninë e Veriut për ndryshimet e bëra në Kodin Penal, përmes së cilave ulen dënimet me burg për bartësit e funksioneve në rastet gjyqësore për shpërdorim të detyrës.
“Bashkimi Evropian vëren me shqetësim se disa nga ndryshimet në Kodin Penal të miratuara me procedurë të përshpejtuar nga Kuvendi i Maqedonisë së Veriut, me të cilat reduktohen dënimet maksimale ligjore, shkaktojnë implikime në zbatimin e parimit të vjetërsimit dhe prekin një numër të madh të rasteve të korrupsionit të nivelit të lartë”, ka deklaruarzëdhënësja e Komisionit Evropian, Ana Pisonero. (INA)
