Kryeministri Dimitar Kovaçevski i dërgoi një letër urimi për festën më të madhe të krishterëve të Ngjalljes – Pashkëve, kreut të KOM-OA, Sinodit të Shenjtë të Ipeshkvijve, klerit dhe murgjve të KOM-OA dhe të gjithë besimtarëve që festojnë sot.
“Fitorja e jetës mbi vdekjen, e simbolizuar nga Pashkët, është një mesazh i fortë për suksesin e vendimeve të guximshme, kur ato merren me besim të sinqertë në të mirën e përbashkët.
Në këto kohë lufte në kontinentin evropian dhe një krizë ekonomike dhe energjitike botërore, është më se e nevojshme të rivendoset zëri i ndërgjegjes tek të gjithë dhe të ngrihet mbi interesat personale, për të siguruar së bashku prosperitetin dhe perspektivat e brezave të tanishëm dhe të ardhshëm. .
Siç tregon edhe kjo festë, rruga e drejtë vë në provë besimin, për të forcuar vullnetin, që është e vetmja mënyrë për të arritur paqen dhe mirëqenien kolektive.
Qoftë e lumtur dhe e përjetshme festa e Ngjalljes së Krishtit – Pashkët!”, thuhet në letrën e Kovaçevskit.
