Kryeministri i Republikës së Maqedonisë së Veriut, Dimitar Kovaçevski, i shoqëruar nga ministrja e Mbrojtjes, Slavjanka Petrovska, u takua me një delegacion nga shteti i Katarit, i kryesuar nga zëvendëskryeministri dhe ministri i Mbrojtjes, Khalid bin Mohammed Al-Attiyah.
Në takim u shpreh angazhimi i përbashkët për promovimin e bashkëpunimit në fushën e mbrojtjes dhe ekonomisë.
Kryeministrit Kovaçevski ka marrë ftesën nga homologu i tij nga Doha për një vizitë zyrtare në Katar.
Kryeministri Kovaçevski tha se Republika e Maqedonisë Veriore shtetin e Katarit e konsideron si vend mik dhe tha se ka interes për prezantimin e mundësive për investime në vendin tonë para biznesmenëve në Katar. Për sa i përket ruajtjes së paqes botërore, ndahet mendimi se arritja e zgjidhjeve përmes dialogut është thelbësore.
Lidhur me situatën në Ukrainë, kryeministri Kovaçevski theksoi se qëndrimi i Republikës së Maqedonisë së Veriut është në përputhje të plotë me qëndrimet e partnerëve tanë strategjikë NATO, SHBA dhe BE, me dënimin më të ashpër të pushtimit rus në Ukrainë. (INA)