Kryeminsitri Dimitar Kovaçevski në vendosjen e gur themelit të Korridorit 10D tha se përveç këtij projekti, është edhe Korridori 8 që siguron baraspeshë në zhvillimin rajonal, përcjell TV21. Kovaçevski tha se qytetet më pak të zhvilluara janë në pjesën e Korridorit 8.
“Tek ne më të zhvilluara janë rajonet dhe qytetet që gjenden në Korridorin 10, ndërsa më pak të zhvilluara janë rajonet që gjenden në korridorin që asnjëherë nuk u ndërtua, Korridori 8, verilindje dhe jugperëndimi i vendit. Me këtë sigurojmë edhe zhvillim rajonal me baraspeshë, duke e marrë parasysh se tashmë po ndërtohet rruga eksprese në kufi me Bullgarinë”, tha mes tjerash Kovaçevski.
