Kovaçevski: S’ka afat për zgjerimin e qeverisë

Iliria News Agency
Iliria News Agency

23/01/2023

Përveç qëllimit të shprehur hapur për zgjerimin e koalicionit qeveritar, kryeministri Kovaçevski nuk ka as iniciativë konkrete dhe as afat konkret se kur do të ndodhë ky zgjerim. Pas zhvillimeve në fundjavë me organizimin partiak të Aleancës, kreu i qeverisë Kovacevski nuk tha asnjë fjalë, nëse pikërisht për këtë zgjerim ka marrë edhe mbështetjen dhe autorizimin vis a vis brenda vetë subjektit që ai drejton, LSDM.

“Bisedime konkrete për detajet programore dhe kadrovike nuk kemi pasur. Nëse futemi në negociata, atëherë normalisht që do të konsultohen dhe do të bisedojmë edhe me partnerët e tanishëm të koalicionit në qeveri, njësoj si u bisedua me partnerët e koalicionit kur hyri në qeveri Alternativa”, tha Dimitar Kovaçevski, kryeministër.

Nga qëndrimi i një dite më parë i Aleancës për Shqiptarët, mësohet se edhe ata presin ofertën konkrete nga kryeministri për pjesëmarrjen në qeveri. Ata thonë madje se edhe për ekipin negociator do të duhet ende disa ditë të formohet, për të diskutuar modalitetet dhe postet e partisë së re shqiptare në koalicion.

“Brenda javës do të mbahet mbledhja e Kryesisë së partisë ku do të formohet komisioni për bisedime me Qeverinë. Më pas do të organizohet edhe referendum nëpër degë dhe do të kërkohet edhe mendimi i strukturave lokale”, thonë nga Aleanca për Shqiptarët.

Pavarësisht kësaj, Aleanca për Shqiptarët dhe Kovaçevski kanë zhvilluar edhe më herët takime, qoftë mes krerëve apo njerëzve të tjerë partiakë, ndërkohë që pozicionet dikasteriale përfliten tashmë prej gati dy muajsh. Sipas raportimeve tona të mëhershme, mësohet se Aleanca do të gëzojë nga një ministri për secilin prej partnerëve qeveritarë, LSDM, BDI e Alternativës, ndërkohë që në fundjavë u përfolën edhe poste drejtorish të Alternativës, që pritet t’i kalojnë Aleancës, sikurse Hekurudhat, PIOM, Librat Amë, Avokati i Shtetit etj./Alsat.mk

TË FUNDIT

ME TE LEXUARA

LEXO MË SHUMË

ora-rryma-evn-struja

Në gjysmën e dytë të vitit 2023 energjia elektrike u shtrenjtua për 8.2%

vlen llogo

VLEN: BDI kërkon ilaç për humbjen zgjedhore në skenarin rus

qeveria

Pas zgjedhjeve, ndryshime kushtetuese, pastaj qeveri! Fituesi i zgjedhjeve kushtëzohet që tani

vmro dpmne

“Maqedonia jote”, Mickoski nënshkroi marrëveshje me partnerët e koalicionit

turqit

Lëvizja e Turqve të Maqedonisë sot edhe zyrtarisht pjesë e “Frontit Europian”

banka-popullore-800x445-780x439-1

Maqedoni: Borxhi i jashtëm neto në fund të vitit 2023 ishte 4,458 milionë euro

Arben Taravari VLEN

Taravari thirr aktivistët e ASH-së: Hajdeni në VLEN, mos u bëni patericë e dikujt

grubi gostivar

“Fronti” në Gostivar/ Grubi: Spektakël, i bje pishman nëse s’vjen!

sllavjanka

“Para nga një njeri i pandershëm nuk dua”, Petrovska fiton në një proces gjyqësor ndaj Kovaçkit

INFO

NA NDIQ