Kryeministri dhe kryetari i LSDM-së, Dimitar Kovaçevski për sonte në ora 20 në klubin e deputetëve ka caktuar takim me liderët e partive të koalicionit.
Në këtë takim temë diskutimi do të jetë puna dhe rezultatet e deritanishme të Qeverisë, por me theks të vecantë është propozimi për përfshirjen e Aleancës Shqiptare në Qeveri, përcjell INA.
Kovaçevski do t’i informojë partnerët për zyrtarizimin e negociatave me Aleancën për Shqiptarët dhe pritet të dëgjojë mendimin e tyre për zgjerimin e koalicionit qeveritar.
Kryeministri Dimitar Kovaçevski theksoi javën e kaluar se Qeveria me shumë gjasë do të zgjerohet edhe me një tjetër parti shqiptare, por shtoi se ende nuk ka bisedime konkrete me ASH-në për programin e bashkëpunimit dhe çështjet e ndarjes së dikastereve.
“Kur flasim për Aleancën për Shqiptarët, atëherë duhet të themi se ai bashkëpunim duhet të bazohet në dy supozime. E para është programore-politike dhe e dyta ka të bëjë me dikasteret, për të cilën ende nuk ka diskutime konkrete”, tha të premten Kovaçevski.
ASH vendosi të nisë negociatat për hyrje të mundshme në Qeveri. Ekipi i Aleancës së Shqiptarëve në periudhën e ardhshme do të diskutojë për përfshirjen e mundshme të partisë në Qeveri, ose nëse vazhdon më gjatë, mundësisht ta ndalojë dhe të marrë një vendim përfundimtar.(INA)
