Ministria e Brendshme mbrëmë në një lagje të Shkupit ka arrestuar kriminelin e njohur serb, Zoran Markoviq, i njohur me nofkën Carlos Estevez.
Ai akuzohet për kalim dhe qëndrim të paligjshëm në vend, mëson INA, duke u thirrur në portalet maqedone.
Zoran Markoviq, serb nga Kosova, prezantohet si Carlos Estevez nga Kolumbia ose Uruguai.
Në vitin 2015, Estevez dhe bashkëpunëtorët e tij synuan të blinin bankën në Republika Srpska, përmes një fondi me një reputacion jashtëzakonisht të dyshimtë. Bëhet fjalë për “Imperial Trust Fund” i cili kishte para me origjinë të dyshimtë, të regjistruar në Florida, që dyshohet se mbështetet nga paratë ruse.(INA)
