Kryeministri teknik bullgar, Dimitar Gllavçev ka theksuar se retorika e fundit e Qeverisë së Maqedonisë së Veriut tregon se me këtë gjuhë të urrejtjes nuk shkohet në Bashkimin Evropian.
“Konkretisht për RMV-në nuk vlerësoj se gjuha e urrejtjes që kohët e fundit po e përdorin do u ndihmojë që të bëhen vend anëtarë i BE-së. Nuk bëhet fjalë për asnjëfarë negociatash të reja, mendoj se kemi bërë mjaft kompromise me identitetin nacional dhe thjesht ata duhet të respektojnë kërkesat e BE-së për t’u bërë vend anëtar”, deklaroi Gllavçev.
Reagimet nga Sofja pasuan pasi që zëvendëskryeministri i Qeverisë së RMV-së, Aleksandar Nikolloski politikanët bullgar që kërkuan që ai të shkarkohet, i vlerësoi si të padenjë dhe të korruptuar, ndërsa për presidentin Rumen Radev, tha se është i paqytetëruar dhe i pa edukatë për shkak të mungesës së flamurit shtetëror në takimin me presidenten Gordana Siljanovska-Davkova. (INA)
