Në prag të raundit të dytë të zgjedhjeve presidenciale në Mal të Zi, kryeministri i Maqedonisë së Veriut, Dimitar Kovaçevski i dha mbështetjen e tij presidentit malazez Milo Gjukanoviq, edhe ate përmes një video fjalimi, por që u fshi menjëherë natën pas shpalljes së rezultateve përfundimtare, raportojnë mediumet, përcjell INA.
Ekipi propagandistik i Kovaçevskit e ka fshirë videon në të cilën Kovaçevski para zgjedhjeve si lideri i LSDM-së i jepte mbështetje Gjukanoviqit.
Kovaçevski njihet për lidhjet e tij me Malin e Zi, pasi që në kohën kur babai i tij ishte ambasador në këtë vend, ai doktoroi në universitetin e Podgoricës.(INA)
