Kryetari i Qeverisë së Republikës së Maqedonisë së Veriut, Hristian Mickoski sot në sallë solemne të Qeverisë, do të mbajë takim me përfaqësues të odave ekonomike lidhur me promovimin e shportës konsumatore të Vitit të Ri.
Siç njoftuan nga pres-shërbimi qeveritar, shporta konsumatore e Vitit të Ri përbëhet nga një listë e produkteve ushqimore dhe pijeve aloolike dhe joalkoolike të propozuara nga ana e prodhuesve dhe tregtarëve, të cilët gjatë festave të fundivitit do t’u ofrohen konsumatorëve me çmime më të ulëta.
Pas takimit, kryeministri Mickoski do të mbajë konferencë për shtyp.
