Aktivisti i Lëvizjes Vetëvendosje dhe këshilltari i kryeministrit Albin Kurti në RMV përmes tre porosive në rrjetet sociale ka komentuar zgjedhjen e kryeministrit teknik, Talat Xhaferi në seancën e sotme të Kuvendit.
“Talat Xhaferi, si kryeministër teknik, do të quhej shqiptar, sikur të paktën si gjest të parë prej kryeministri, të bënte homazhe në varrezat e dëshmorëve të rënë në konfliktin e vitit 2001, ku do të shprehte mirënjohje dhe respekt, sepse pa sakrificën e tyre, pa gjakun e derdhur të tyre, kjo arritje simbolike nuk do të ishte aspak e mundur”, nënvizoi Qoku.
Ai ka komentuar mbulimin mediatik të ngjarjes së sotme.
“Sot pamë një akt “historik” që u prezantua eksluzivisht nga gazetarë/analistë mercenarë nga Prishtina dhe Tirana.
Po na kontrabandojnë edhe historinë.
Berat Buzhala ka bërë hapur fushatë në vitet 2015-2017 për Nikolla Gruevskin, shovenistin më të madh antishqiptar të 30 viteve të fundit. Ai madje ka lobuar fuqishëm me mediat e tij që BDI të hyjë në koalicion qeveritar me partinë e Gruevskit VMRO-DPMNE pas zgjedhjeve parlamentare të 2016.
Ishin ndërhyrjet e ndërkombëtarëve që detyruan BDInë ta refuzojë Gruevskin. Pas 5 muajsh hamendje e dilema, BDI u rreshtua krah LSDM-së dhe në 27 prill u votua Talat Xhaferi për kryeparlamentar.
Sa tenderë dhe sa pare nga buxheti i varfër i shqiptarëve të MV duhet t’u jenë ndarë gazetarëve/analistëve mercenarë për propagandë pro-regjim?
Aliu paska gjetur më në fund “horrat” e vëtetë”, ka shkruar Qoku.
