Tetova sot përkujton 25 vjetorin e sakrificës heroike të familjes Jashari që u flijua për lirinë e Kosovës në Prekaz.
Në këtë ngjarje do të jetë i pranishëm edhe kryeparlamentari i Kosovës, Glauk Konjufca.
Kreu i Kuvendit të Kosovës paraprakisht do të takohet me kryetarin e komunës së Tetovës, Bilall Kasami, si nikoqir i këtij evenimenti kombëtar.
“Komuna e Tetovës, në nderim të luftës së Kosovës dhe sakrificës heroike të familjes Jashari për herë të parë organizon Akademinë përkujtimore “Epopeja e Ushtrisë Çlirimtare të Kosovës”.
Në këtë ngjarje të jashtëzakonshme kombëtare që organizohet në qytetin tonë, të pranishëm do të jenë z. Lulzim Jashari, djali i komandantit legjendar Adem Jashari, Kryeparlamentari i Kuvendit të Kosovës z. Glauk Konjufca, historiani Prof. Dr. Hakif Bajrami, si dhe studiuesi Elvis Hoxha.
Jasharajt janë vetë historia dhe madhështia e kombit shqiptar! Ditën e hënë, ora 19:00Pallati i Kulturës Tetovë!”, thuhet në një njoftim të shpërndarë.(INA)
