Pas një periudhe të gjatë konkurrence dhe emocionesh të ndryshme, shtëpia e Big Brother priti dy mysafirë të veçantë.
Blero dhe Alba u shfaqën në oborrin e shtëpisë së BBVK, duke befasuar kështu finalistët që janë duke pritur me padurim finalen e shumëpritur.
Gëzimi i finalistëve ishte i dukshëm në momentin e tyre të hyrjes, pasi Blero dhe Alba u përshëndeten me brohoritje dhe përqafime të ngrohta. Pjesëmarrësit tanimë të lodhur nga sfidat nuk e fshehën kënaqësinë dhe emocionet kur panë dy ish-banorët të cilët iu bashkuan përkohësisht për 24 orë.
Një nga momentet më të veçanta që rrëmbeu vëmendjen ishte kur Edona, me humorin e saj karakteristik, e pa Bleron dhe në gjendje të qeshur e përshëndeti me fjalët “ku e kam dashnorin tim”.
Përqafimi që pasoi mes tyre tregoi se lidhjet dhe miqësitë e formuara brenda shtëpisë mbeten të forta edhe jashtë konkurrencës së fortë.
Vizita e Bleros dhe Albës ka sjellë një frymë të re në shtëpi, duke u shtuar kështu energjisë dhe përgatitjeve për eventin final ku do të shpallet fituesi i këtij edicioni të Big Brother.
