Krahasimi i çmimeve të veçanta të konsumit sipas grupeve tregon se në Maqedoninë e Veriut, në raport me vendet tjera të rajonit, çmimet kanë shënuar rritje më të madhe në banim, ujë, rrymë, gaz dhe lëndë të tjera djegëse, si dhe në transport.
Sipas portalit Pari.com.mk, sa i përket shpenzimeve për banim, ujë, rrymë, gaz dhe lëndë djegëse të tjera, Maqedonia e Veriut ka rritje të çmimeve prej 20,4 për qind. Pas nesh është Serbia me një rritje prej 18.4 për qind, pastaj Kroacia me 16.5, Mali i Zi me 15.6 dhe Sllovenia me 13.3 për qind.
Për sa i përket çmimeve të ushqimeve, Maqedonia e Veriut është në një garë të ngushtë me Malin e Zi në këtë kohë të inflacionit të lartë. Kostoja e ushqimeve dhe pijeve joalkoolike në Mal të Zi shënoi një rritje prej 30.2 për qind në nëntor 2022 krahasuar me nëntorin 2021. Por inflacioni i muajit nëntor i ushqimeve dhe pijeve joalkoolike në Maqedoni ishte i ngjashëm dhe arriti në 29.8 për qind. Në muajin dhjetor kemi një ulje të këtyre kostove, por ato janë më të larta për 27.1 për qind krahasuar me dhjetorin 2021, që është ende një rritje e lartë.
Konkretisht, kostot e veshjeve dhe këpucëve në vendin tonë janë rritur për 3,3%, në Serbi për 6,8%, dhe në Kroaci edhe për 7,7%. (INA)
