Muhamer Pajaziti
Në më pak se një vit, dy ish-ushtarë të UCK-së ndërruan jetë nga kushtet e rënda dhe çnjerëzor në burgjet e Maqedonisë.
Rexhail Qerimi nga fshati Opajë ndërroi jetë në kazamatet maqedone në janarin e ftohtë të vitit 2022.
Rrethanat e vdekjes nuk dihen akoma, por sipas burimeve jo zyrtare, Qerimi kishte gjetur vdekjen si pasojë e një sulmi në tru.
Fatin e njëjtë e përjetoi mbrëmë edhe bashkëluftëtari i tij, Musadik Pajaziti.
Gjatë qëndrimit të tij në burg, ai disa herë përmes avokatit të tij është ankuar për gjendjen e tij shëndetësore, e disa herë për keqtrajtim rrugës nga burgu për në gjykatë, kur mbahej gjykimi për ta.
Kur po i përkeqësohej gjendja shëndetësore, ai dërgohet në shtëpi ku edhe gjen vdekjen.
Në të dy rastet kemi shkelje të Nenit 3 (ndalimi i trajtimit çnjerëzor ose degradues) të Konventës Evropiane për të Drejtat e Njeriut.
Sipas Nenit 3 [të Konventës Evropiane për të Drejtat e Njeriut], shteti duhet të sigurojë që një person të mbahet në kushte që janë në përputhje me respektimin e dinjitetit të tij njerëzor, që mënyra dhe metoda e ekzekutimit të masës mos ta nënshtrojnë atë në shqetësim ose vështirësi të një intensiteti që tejkalon nivelin e pashmangshëm të vuajtjes së natyrshme në burg dhe se, duke pasur parasysh kërkesat praktike të burgimit, shëndeti dhe mirëqenia e tij janë siguruar në mënyrë adekuate duke ofruar, ndër të tjera, ndihmën e nevojshme mjekësore …”
Ky është vetëm një nga faktet që dëshmon se Maqedonia është larg vlerave, parimeve dhe standardeve evropiane.
Raste të keqtrajtimeve në burgjet e Maqedonisë janë të shumta dhe viktimat janë të të gjitha nacionaliteteve.
Këtë gjë e dëshmoi ditë më parë edhe Ministri i ri i drejtësisë Krenar Lloga.
Ai ka publikuar në llogarinë e tij në fejsbuk fotografi nga burgjeve e vendit, ku shihen qartë kushtet e rënda dhe skandaloze ku qëndrojnë të burgosurit në burgjet e vendit tonë.
“Një shtet që nuk i trajton të burgosurit si qenie njerëzore nuk mund të quhet shtet”, shkruan Lloga në fejsbuk.
