Viti 2024 ka qenë një vit i mbushur me emocione në stadiumin e Espanjolit. Ai nisi me nevojën urgjente për të marrë pikë me çdo kusht, për t’u pozicionuar mes dy skuadrave të para që siguronin ngjitjen direkte në Primera División. Nuk kishte rrugë tjetër as për ekipin, as për klubin. Por me kalimin e muajve, aspiratat e një skuadre me një nga formacionet më të mira të kategorisë së dytë filluan të zbeheshin.
Më pas u shfaq mundësia e playoff-it, që ofronte një tjetër rrugë për të realizuar qëllimin e ngjitjes. Dhe kështu ndodhi. Espanjoli kaloi raundet dhe arriti suksesin. U rikthye në Primera. Jo me bujë të madhe, por u kthye, gjë që në fund të fundit ishte objektivi i kërkuar që në fillim. Por tani shija e suksesit është zbehur. Humbja ndaj UD Las Palmas ka lënë ekipin në zonën e rënies, me ndjesi të dobëta që po e mbyllin këtë vit me shumë pikëpyetje.
