Kim Mehmeti
“Më lajmërojnë banorët e një vendbanimi në afërsi të Shkupit se thuajse për çdo ditë, me orë të tëra i telefonojnë EVN-së, për të lajmëruar se nuk kanë rrymë elektrike, se shkaku i ndërprerjes së përditshme të dritave u shkatërrohen pajisjet elektrike, por nuk u përgjigjet askush, përpos zërit që u thotë – ‘pritni, ngaqë të gjithë operatorët janë të zënë’.
Dhe përderisa ata presin që dikush t’ua hap telefonin, u rritet fatura të cilën duhet t’ia paguajnë Telekomit, me çka kompanitë e mëdha, që kanë monopol, e ndihmojnë njëra tjetrën për ta shtuar përfitimin dhe për ta vazhduar ‘vjedhjen’ e ligjshme të qytetarëve!
Andaj, nëse i njeriu i matë harxhimet e bëra duke i telefonuar EVN-së, më lirë i del të merr taksi e të shkojë ta lajmërojë atë për hallin që ka, se sa te presë kur do ia hapin telefonin ata që sigurojnë pagë mujore nga faturat që paguajmë ne.
Të jem i sinqertë: sa herë që jam i detyruar të shkruaj për EVN-në, më kaplon një ndjenjë e keqe, e cila mbase ka të bëjë me pafuqinë të ndërmarrësh çkadoqftë që kjo kompani të mos të të trajtojë si hajdut, e nga e cila ndjenjë, më vjen për të vjellë.” Kim Mehmeti
