Kryeministri i Kosovës, Albin Kurti tha se Kroacinë e sheh si partner kyç.
Ai në një konferencë të përbashkët me homologun e tij kroat, Andrej Plenkoviq, foli për sulmin në Ibër Lepenc duke thënë se është i ri nga natyra, pasi “kësaj radhe në shënjestër ishte popullsia civile”.
“Më herët kemi pasur sulme ndaj Policisë së Kosovës, kemi pasur sulme ndaj ndërtesave zyrtare komunale por kësaj radhe në shënjestër është popullsia civile sepse furnizimi me ujë dhe prodhimi i energjisë elektrike që është jetik edhe për qytetarë dhe bizneset kanë qenë në shënjestër”, tha ai.
Kurti tha se për këtë sulm si të dyshuar se janë arrestuar disa persona dhe se hetimet po vazhdojmë. Kryeministri shtoi se është konfiskuar armatim dhe municion.
“Duhet të presim se cili do të jetë përfundimi i këtyre hetimeve. Por ne konsiderojmë që gjithçka tregon që këtë nuk e kanë bërë qytetarët e zakonshëm dhe se na bën të besojmë që një sulm i këtillë vjen i mbështetur dhe orkestuar nga Serbia siç ishte edhe rasti me sulmin në Banjskë apo atë me sulmin e KFOR-it në maj 2023 apo rrëmbimi i tre policëve tanë në Leposaviq në qershor 2023. Nervoza në Beograd po përkthehet në agresivitet kundër Ksoovës meqë nuk e kontrollojnë Kosovën më atëherë mbështeten sulme të këtilla terroriste”, vazhdoi ai.
