Kandidati për kryeministër nga Lëvizja Vetëvendosje, Albin Kurti, ka deklaruar se partia e tij dhe koalicioni me “Guxo” e “Alternativa” janë fituese të zgjedhjeve.
Ai para simpatizantëve në sheshin “Skënderbeu” në Prishtinë deklaroi se procesi zgjedhor ishte demokratik e paqësor, duke shtuar se i falënderon autoritetet për angazhimin.
“Procesi zgjedhor ka qenë proces demokratik, i cili nuk ka pasur incidente. E falënderoj edhe policinë edhe mekanizmat, por kështu ndodh kur është Qeveria jonë. Kur ekzekutivi jemi ne, s’ka incidente e procesi demokratik është cilësor, i vërtetë, i lirë i ndershëm”, ka thënë Kurti, përcjell Koha.net.
Lideri i Vetëvendosjes, tha se milionat e oligarkëve dhe lufta hibribe nuk mundën ta mposhtin Lëvizjen Vetëvendosje, përcjell agjencia e lajmeve INA.
Sipas rezultateve preliminare, ai tha se, LDK dhe PDK së bashku nuk bëjnë sa Vetëvendosje.
“Në këto zgjedhje e mundëm Serbinë dhe Këan Serbinë”, tha ai.
