Kurti telefonon Erdoganin, diskutojnë rreth bisedimeve me Serbinë

Iliria News Agency
Iliria News Agency

04/03/2023

Kryeministri i Republikës së Kosovës, Albin Kurti, sot (4 mars), zhvilloi një bisedë telefonike me Presidentin e Republikës së Türkiyes, Recep Tayyip Erdoğan, njofton Zyra e Kryeministrit Kurti.

Në emër të Qeverisë së Republikës dhe popullit të Kosovës, Kryeministri Kurti i shprehu edhe një herë ngushëllime Presidentit Erdoğan, e nëpërmjet tij, familjarëve të viktimave të tërmetit dhe mbarë popullit të Türkiyes.

Gjithashtu, ai siç thotë Zyra e Kryeministrit, falënderoi Presidentin Erdoğan për mikpritjen zemërgjerë në Istanbul me datën 3 shkurt, ku patën një takim tejet produktiv që do të shërbejë për forcim të mëtejshëm të marrëdhënieve dhe miqësisë së përhershme në mes të dyja vendeve tona.

“Kryeministri Kurti tha që Kosova është vend jo i madh, por me zemër të madhe, që ka dëshmuar bujari ndaj të gjithëve në ditët e tyre të vështira. Së fundmi, edhe ndaj ukrainasve e afganëve. Kosova është dhe gjithmonë do të vazhdojë të qëndrojë pranë shteteve mike në ditët e tyre të vështira, posaçërisht Türkiyes”, informon Zyra e Kryeministrit Kurti.

Nga ana tjetër, Presidenti Erdoğn falënderoi Kryeministrin Kurti për solidarizim të plotë me shtetin dhe popullin e Türkiyes e cila po kalon fatkeqësinë më të rëndë në këtë shekull.

“Ai falënderoi për vendimin për mbështetje dhe ndihma, për pjesëtarët e FSK-së që bënë kërkim-shpëtim në rrënoja si dhe për shpalljen e ditës së zisë në Kosovë”, thotë Zyra e Kryeministrit.

Po ashtu, temë e bisedës telefonike me Kurtit dhe Erdoğanit ka qenë edhe takimi i fundit në Bruksel për normalizimin e marrëdhënieve ndërmjet Kosovës dhe Serbisë, për çfarë Presidenti Erdoğan përshëndeti rezultatin e arritur, duke shprehur mbështetjen e tij Kryeministrit Kurti dhe gatishmërinë për të ndihmuar.

TË FUNDIT

ME TE LEXUARA

LEXO MË SHUMË

Ali Ahmeti fronti

Mësohet lista e kandidatëve për deputetë e Frontit Europian

ASH Sela Taravari

Taravari reagon pas vendimit të ASH-së së Selës që ti bashkohet “Frontit Evropian”

Ali Ahmeti Ziadin Sela

Sela i thotë PO koalicionit me Ali Ahmetin, bashkë me ‘Frontin Evropian’

ahmeti kurto dudush unioni romeve

Fronti Europian rritet edhe me Unionin e Romëve, Ahmeti: Fitore e madhe na pret

deklarata vlen opozita shqiptare

Mësoher bartësi i listës për deputetë të VLEN në njësinë 5 zgjedhore?!

Manastiri Banjskes zvecan

“Varrezat dhe Manastirët magazina ushtarake serbe”/ Ish-agjenti i SHIK-ut tregon detaje

arben taravari ekipi

Taravari prezantoi pjesën tjetër të kabinetit presidencial: Janë njerëz me të cilët do t’i qojmë para idealet e VLEN-it

aeroport

Anulohen fluturimet Vjenë-Shkup dhe anasjelltas, për shkak të grevës së “Austrian Airlines”

4 vjetori nato

4 vjet anëtarësim në NATO, asnjë fjalë shqip

INFO

NA NDIQ